Haripur Police Failed to Protect Citizen

کھلابٹ، دن دیہاڑے شہری کا موٹرسائیکل لے اڑے

بابرخان گھر کے باہر موٹرسائیکل کھڑی کرکے گیا، واپس آیا تو غائب تھی

ہری پور (۳۱ مارچ ۱۲۰۲) ہری پور تھانہ کھلابٹ کی حدو د سے دن دیہاڑے گھر کے باہر سے موٹرسائیکل چوری واقعہ، تفصیلات کے مطابق گزشتہ روز ہری پور تھانہ کھلابٹ کے سیکٹر ۳ عباسی چوک کا رہائشی بابر اپنے گیٹ کے سامنے موٹرسائیکل کو کھڑا کرکے نماز کے لئے گیا جب بیس منٹ بعد واپس آیا تو موٹرسائیکل غائب ہوچکی تھی جس پر بابر خان نے فوری طور پر تھانہ کھلابٹ ہری پور میں رپورٹ درج کروا دی۔ یاد رہے کہ پچھلے کچھ عرصہ سے چوری، راہزنی اور ڈکیتی کی وارداتیں عروج پر پر ہیں اور ہری پور پولیس ان کو روکنے میں مکمل طور پرناکام ہوچکی ہے۔

 

Haripur - Yousef Raza Gilani clear victory turned into defeat- Zulfiqar Qureshi

 

گیلانی کی واضح جیت کو ہار میں تبدیل کیا گیا، ذوالفقار قریشی

صادق سنجرانی کو غیرقانونی اور غیرآئینی طریقے سے کامیاب کرایا گیا

ہری پور (۳۱ مارچ ۱۲۰۲) پی ڈی ایم کے امیدوار یوسف رضا گیلانی کو ۹۴ ووٹ ملے اور اس طرح یوسف رضا گیلانی جیت چکے ہیں اور صادق سنجرانی واضح طور پر ہار چکے ہیں، لیکن ان کی شکست کو دھاندلی کے ذریعے ان کی جیت میں تبدیل کیا گیا، جسے ہم کسی بھی صورت قبول نہیں کریں گے۔ سلیکٹڈ حکمرانوں نے ایک بار پھر دن کی روشنی میں ہمارے ووٹ چرائے ہیں جس سے ان کے مکروہ چہرے عوام کے سامنے بے نقاب ہوچکے ہیں، پریذائیڈنگ آفیسر نے جانبداری کا ثبوت دیتے ہوئے سیدیوسف رضا گیلانی کے سات ووٹ مسترد کردئیے، پیپلز پارٹی اور پی ڈی ایم اس پریذیڈانگ آفیسر کے اقدام کو ہر قانونی فورم پر چیلنج کرے گی، ان خیالات کا اظہار پاکستان پیپلزپارٹی کے ضلعی صدر زوالفقار قریشی، لائرز فورم کے صدرخورشید اظہر ایڈوکیٹ، خان گل ایڈوکیٹ و دیگر نے اپنے ایک اخباری بیان میں کیا، انہوں نے کہا کہ چئیرمین اور ڈپٹی چئیرمین کے انتخابات میں حکومت نے اپنے امیدواروں کو کامیاب کرنے کے غیرقانونی اور غیرآئینی ہتھکنڈے استعمال کیئے، پی ڈیم ایم میں شامل جماعتوں کے سنیٹرز جب حکومت کی دھونس دھمکیوں میں نہیں آئے تو انہوں نے پریذائیڈنگ آفیسر کے ذریعے پی ڈیم ایم کے امیدوار سید یوسف رضا گیلانی کے سات ووٹ کو مسترد کروا کر صادق سنجرانی کو غیرقانونی اور غیرآئینی طریقے سے کامیاب کرایا جس کی جتنی مذمت کی جائے وہ کم ہے۔